“InnoFusion” layihəsi informasiya texnologiyalarına marağı olan bütün gəncləri, xüsusilə də sosial həssas qruplara daxil olan şəxsləri hədəf alır. Layihənin məqsədi bu kateqoriyalara daxil olan gənclərə informasiya texnologiyaları sahəsində peşəkar bilik və bacarıqlar qazandırmaqdır.

Layihəyə müraciət etmək üçün InnoFusion-un rəsmi müraciət formunu doldurmaq kifayətdir. Formaya layihənin sosial media səhifələrindən və ya rəsmi veb saytından daxil ola bilərsiniz.

Layihə çərçivəsində iştirakçılara 100%, 50% və 30% olmaqla fərqli təqaüd imkanları təqdim olunur. Təqaüd dərəcəsi müraciətçinin sosial vəziyyəti və seçim mərhələsindəki göstəricilərinə əsasən müəyyən olunur.

Seçim prosesi üç mərhələdən ibarətdir: ilkin müraciət formasının dəyərləndirilməsi, imtahan nəticəsinin yoxlanması və son mərhələdə qısa müsahibə.

Tədris proqramı sahələrdən asılı olaraq 4, 5 və ya 6 ay müddətində həyata keçirilir. Bu müddət ərzində iştirakçılar həm nəzəri biliklər, həm də praktiki bacarıqlar əldə edirlər.

Dərslər əsasən əyani formada IT Brains Academy-nin tədris mərkəzində keçiriləcək. Ehtiyac olduqda bəzi dərslər onlayn şəkildə təşkil oluna bilər.

Bəli, tədris proqramını uğurla başa vuran iştirakçılara akademiyamızın diplomu təqdim olunur. Diplom iştirakçının əldə etdiyi bilik və bacarıqları təsdiqləyir.

İlkin kompüter biliklərinə sahib olmaq lazımdır. Tədris proqramı sıfırdan başlayaraq mərhələli şəkildə öyrədilir və hər kəs üçün əlçatan olacaq şəkildə hazırlanıb.